މިއީ ފާރިސް ކަރައިގެ ޝޭޚު މުސްލިޙުއްދީނު ސަޢުދީ ޝީރާޒީ (مصلح‌الدین بن عبدالله شیرازی) ގެ ”ގުލިސްތާނު“ ނުވަތަ ފިނިފެންމަލު ބަގީޗާ ގެ ތަރުޖަމާއެވެ. ފޮތަކީ މީގެ  758 އަހަރު ކުރިން ލިޔެފައިވާ ޢިބުރަތްތެރި ވާހަކަތަކެއްގެ މައްޗަށް އެކުލެވޭ ފޮތެކެވެ.

”ގުލިސްތާނު“ އެކުލެވިގެން ވަނީ 8 ބާބުގެ މައްޗަށެވެ. އެ ޒަމާނުގެ ފޮތްތައް ލިޔާ ގޮތުގެ މަތިން، ފޮތުގެ މައިގަނޑު ފެށުމުގެ ކުރިން ދިގު ސެހެރީއެއް ލިޔުއްވާފައި ވެއެވެ. ފުރަތަމަ ބާބަކީ ރަސްކަލުންގެ އަދަބުތަކާ (ވެރިންގެ އުޅުއްވުމާ) ބެހޭ ބާބެވެ. މި ތަރުޖަމާގައި ގުލިސްތާނު ގެ ބައެއް ވާހަކަ ތައް މިލިޔަނީ އިނގިރޭސި ލިއުމެއް ބަލައިގެންނެވެ.  މީގެ 100 އަހަރު ކުރިން ލިއެފައިވާ އިނގިރޭސި ތަރުޖަމާއަކުންނެވެ. ބައިތު ގިނަ މި ވާހަކަތައް ދިވެހިބަހަށް ތަރުޖަމާ ކުރެވެނީ ނަޘްރުންނެވެ. އަޞްލު ލިޔެފައިވާ ޅެންބަހާ ޚިލާފަށް މަޒުމޫނު ލިޔާ ޢިބާރާތުންނެވެ.

1. ރަސްކަލުންނަށް ދެވޭ ނަސޭހަތް – ފުރަތަމަ ބައި