މުދައު ވަނީ ދިރިއުޅުން ފަސޭހަ ކުރުމަށެވެ. ދިރިއުޅެންވީ މުދައު ބައްކުރާކަށެއް ނޫނެވެ.

ކައިފައި އޮށް އިންދި މީހަކީ ނަސީބުވެރިއެކެވެ. އުފަލެއް ލިބިނުގަނެ މަރުވި މީހަކީ ބަދުނަސީބުވެރިއެކެވެ.

މުދައު އެއްކުރުމުގައި ދިރިއުޅުން ހޭދަކޮށް އެ މުދަލުން އުފަލެއް ލިބި ނުގަނެ މަރުވި، ކަމެއް ނުކުރާ ސޮހޮލުމަންޑިއަށް ދުޢާ ނުކުރާށެވެ.

އެކަމަކު، އެގޮތަކަށް އޭނާ ޢަމަލެއް ނުކުރިއެވެ. އޭނާ ނިމުނު ގޮތް ތިބާއަށް އިވިފައިވާނެއެވެ.

.

ﷲ ތިބާއަށް ދީލަތިވެވަޑައިގެންނެވި ފަދައިން، އިންސާނުންނަށް ދީލަތި ވާށެވެ.

ޢަރަބި މީހާ ބުނެއެވެ:

މީހުންގެ ފަރާތުން ކަންތައްތައް ވުމަށް ނުއެދި، މީހުންނަށް ދީލަތިވާށެވެ. ޔަޤީނުންވެސް އެކަމުގެ މަންފާ ތިބާއަށް އަނބުރާ އަންނާނެއެވެ.

[ފޮރުވިފައިވާ ބޭނުމެއް އޮވެގެން ދީލަތި ވުމަކީ، ދީލަތިވުމުގެ މަތިވެރި ސަވާބު ނެތިކުރާ ކަމެކެވެ.]

.

އެކަލާނގެ ރަޙުމަތާއި ނިޢުމަތްތަކުން އެއްކިބާ ނުކުރައްވާތީ ޝުކުރުވެރިވާށެވެ.

ރަސްގެފާނުގެ ނޯކިރީއެއްކަމުގައި ބެހެއްޓެވީތީ، ރަސްގެފާނަށް ތިބާ ދަރަނިވެރިވާކަމަށް ދެކޭށެވެ.

މަންފާއެއް ނުކޮށް ގަދަ މަސައްކަތުގެ ދައު އޮހުރުވާ ދެމީހަކު ވެއެވެ. އެކަކީ، އެއިން އުފަލެއް ލިބި ނުގަނެ މުދައު އެއްކުރާ މީހާއެވެ. ދެވަނަ ފަރާތަކީ، އެއިން ޢަމަލުނުކޮށް، ޢިލްމު އެއްކުރާ މީހާއެވެ.

އެފަދަ ޢިލްމުވެރިއެއްގެ ޢިލްމުވެރިކަމެއް އިތުރެއް ނޫނެވެ.

އެ ޖަނަވާރުގެ ޢިލްމު ނުވަތަ މަޢުލާމާތު ވަކި މަތިވާނެ  ހެއްޔެވެ؟

ޢިލްމުގެ ބޭނުމަކީ، ދީނަށް ނަޞްރު ދިނުމެވެ. މުދައު އެއްކުރުމެއް ނޫނެވެ.

ކޮށާރެއް ފުރެންދެން ގޮވާން އެއްކޮށް، ހުލިވަންދެން އެ އަންދާލައިފިއެވެ.

ރާބޯ ޢިލްމުވެރިއެއްގެމިސާލީ އެހެން މީހުންނަށް މަގު ދައްކާ، ތިމާ އެ މަގުން ނުހިނގާ މީހެއްގެ މިސާލެވެ.

ބޭނުމެއް ކުރެވޭނޭ އެއްޗެއް ނުގަނެ، އޭނާގެ އަތުގައި ހުރި ރަން އުކާލައިފިއެވެ.

ޤައުމެއްގެ ޒީނަތަކީ އެ ޤައުމެއްގެ ޙިކްމަތްތެރި މީހުންނެވެ. ދީނެއްގެ ޒީނަތަކީ އެ ދީނާ އެއްގޮތަށް އުޅޭ މީހުންނެވެ. ރަސްކަލަކާ އަރިސްވެ އުޅުމުގެ ބޭނުމަށް ވުރެ، ރަސްކަލަކަށް، ޙިކްމަތްތެރިންގެ ނަޞޭޙަތުގެ ބޭނުން ބޮޑުވެގެން ވެއެވެ.

އެއީ އޭނާގެ ފަންނު ކަމުގައި ނުވި ނަމަވެސް އެވެ.

ތިންކަމެއް އެހެން ތިން ކަމަކާ ނުލާ ނުވާ ހުއްޓެވެ: އެއީ ވިޔަފާރިއާ ނުލައި މުދައުވެރިކަމާއި، ބަހުސާ ނުލައި ޢިލްމާއި، އުޤޫބާތާ ނުލައި ޤައުމެވެ.

ސަތޭކަ ނާޅި ހަކުރުން ނުކުރާ އަސަރު އެއް ފަހަރު ހަބަރު ދިނުމުން ކުރެއެވެ.